匿名用户3分
不错
听完咁多负评，带住小朋友，索性放弃抢整理券，慢慢食完午餐先入场，约下午1:30入场，已经有人开始离开。一入去玩咗个Treasure Fight(war game+寻宝)，因为出面显示只需排20分钟，果然好快入到去，但着gear同听讲解用咗颇长时间，但小朋友满心期待，最终入去玩咗几分钟，其中两把枪系坏，所以工作人员安排咗我哋直接唔驶排队玩第二次，但出出入入然后讲解又用咗一段时间，第二次玩咗好耐，听闻系因为冇人揾到宝藏，所以可以玩耐啲，小朋友系钟意玩嘅。去到Buggy Voltage,冇整理券同Premium pass系冇得排又冇得玩，但明明官网有列「排队型」，唔明点解唔俾排，即时唔多人排队都唔俾玩。沿路行见到Tam Tam Train响中途站准备开车，所以冲咗上车，点知开咗一小段路就已经要落车，但小朋友总算坐过兼玩过吓啲乐器。之后直接去Dinosaur Safari,见到只需排30分钟（上昼我入app望过系要排300分钟），最终排咗应该冇一个钟入到去玩，之后想去Finding Dinosaurs已经又唔俾排，话只接受有整理券或premium pass,所以去咗Yambaru Friends（同只鸟同狮子交互倾偈）只限日文，但会有即时字幕，重点系里面有得坐同冷气。最后小朋友话想玩多次Dinosaur Safari,入黑已经冇乜人排，所以又玩咗一次。最终完全冇踏足过极限活动𠮶边，只系远望，一来冇整理券又冇premium pass,二来小朋友唔啱玩。总结：当晚离开后先睇到trip个email（关于整理券）但因为冇留意所以冇拎到，如果系trip.com订，1）记得入场前睇睇有关整理券嘅email；2）如果带小朋友去，可以考虑食饱饱下昼先入场，唔驶排队排到怀疑人生；3）带折凳俾小朋友排队坐；4）预早加晒入场券落手机app,到时一次过剔晒啲免责条款；5）要预约泊车位，因为𠮶喥好荒芜，其他泊车点会好远；6）乐园已安排免费雨伞借俾入场人士使用，亦都有水机（虽然一睇以为用唻洗手，但标志注明可以饮用，已同职员核实） 。总括唻讲，可能完全冇期望入场，反而喜出望外，见到每个职员都系好努力演出同讲解，虽然活动期间系唔俾影相，但活动以外地方，职员都好友善，会主动帮你影相。最紧要小朋友开心，全程又好好天，下昼又相对冇咁热，玩到几个项目已经算好好，最后睇到烟花，算系完满结束当日旅程。